فيه حاجه غلط !

النهارده عايزه اتكلم معاكوا فى موضوع خنفنى اوى خنقنى زياده عن اللزوم
وشايفه فى عنيكوا انه خنقكوا انتوا كمان ..

مـــــشهد (1)
فى احدى جامعات أو كافيهات أو شوارع أو نوادى أو اى حته من ارض مصر

بنت ( اعذرونى انى قلت بنت )

وولد ( ومينفعش اقول راجل )
بنت ماسكه ايد ولد ونازله تفعيص والولد بيحاول يشدها ومش عارف ياعينى :((

البنت : ايه يا حموقه مش هنروح السينما انهارده

الولد : يابت يا سوبيا احنا مش لسه رايحين من يومين

( فى سره سيبى ايدى يخربيت كده انتى بتلعبى كمال اجسام بعد الضهر )

البنت : جرى ايه يا حموقه هو انت مصاحبنى عشان تخنقنى ولاايه

لااااااا انا ميت ولد يتمنانى بس اكلمه مش اقعد معاه

وترمى ايديه بقرف

الولد : أحمدك ياااااااااارب

البنت : نعم

الولد : ايه ياسوبيا ياحبيبتى أحمدك ياارب انك معايا وانك اخترتينى انا وما اخترتيش حد تانى

البنت : أه بفتكر

مين دول ايه علاقتهم ببعض

وسوبيا بتعمل ايه فى ايد حموقه
___________________________________

مشــــهد (2)

فى احدى جامعات مصر

بنت ( اعذرونى برضه انى قلت بنت )

ولد ( مينفعش اقول راجل برضه )

البنت : ايه بقى يا حنفى مش ناوى تعزمنى على حاجه
الولد : بصى يا عرقسوسه أنا منفعكيش ومينفعش نبقى صحاب
البنت : ياحنفى انا بحبك انت
الولد : يا عرقسوسه انتى بنت جميله وألف واحد يتمناكى بس انا صعب
البنت : بس انا مش عايزه الف واحد انا عايزاك انت يا حنفنف
الولد : وبعدين بقى ؟!!
البنت : طيب اعزمك انا ايه رأيك
الولد : ايه .... ماشى معنديش مانع بس خليكى فاكره انى مش بتاع جواز
البنت : سيبك جواز ايه دلوقتى تشرب ايه بيبسى دايت ولا ناين اب
الولد : لا مادام انتى الى عازمه أنا مش هتقل عليكى كفايه عليا ساندوتشين كفته بالكباب

مين دول وعرقسوسه الى المفروض كان عندها من حبة سنين حياء

حياءها ده راح فين وازاى بقت بالشكل ده وازى ترخص نفسها بالمنظر ده !

...!

فيه مشاهد كتيره اوى على الشاكله ديه فى حياتنا

بنشوفها فى كل جامعه فى كل شارع فى كل نادى فى كل كافيه فى كل حته

فى كل حاره فيه ناس بتبكى وناس حي... احم احم

خلينا فى موضوعنا D:

فين حياء البنت ؟!

فين رجولة الولد؟!

فين احساس الولد ناحية اى بنت بالمسئوليه

لأنها ممكن تبقى اخته أو حتى قريبته او اى حاجه

فين الخوف ده وفين الغيره ديه

فين معرفة البنت بقيمة نفسها وقيمة تكريم ربنا ليها

انها مش اى كائن دى بنت يعنى غاليه اوى

فيه حاجه غلط يا جماعه
تساؤلات عديده اطرحها امامكم

الى عايز يتكلم يحط تعليق

والى مش عارف يحط تعليق

يفضل كاتم فى نفسه بقى

وربنا معاه

:-P

برجى : )

المرأة العذراء امرأة تحيرك رقيقه متحفظة , جريئة

ولها أسلوب مميز في التعبير أو في توزيع النظرات إذا كان متعذرا عليها الكلام

نظامية في عملها , بل انه بإمكانها إن تكون فخورة وتؤكد انه قليل مثيلها في الإخلاص للعمل

أو الأصح في الدقة والتقيد بالنظام صريحة وجارحة في صراحتها , لا تطيق الشواذ ولا اللف والدوران ,

إذا أحست بالاهانة بكت لوحدها أو انفجر بركان غضبها

وكشفت كل الأوراق وضميرها مرتاح

قوية الملاحظة , ثاقبة النظر , لا تفوتها شاردة ولا واردة

وان كانت صامتة هذا لا يعني أنها جاهلة

بل تترقب الفرصة لتلقي السهم الذي نادرا ما يخطئ الإصابة

إدارية , من يراها يظن أنها من اغني النساء

ولكن في الحقيقة , قد لا يكون في جيبها ثمن بطاقة دخول إلي السينما

إنما ترتيبها ونظافتها عاملان يبرزان حسن اختيارها وذوقها

هذه الفتاة تفيض أنوثة ورقة في ساعات الهدوء

وهي باحثة دائما عن الحب , وإذا انفصلت عن حبيبها

لن تبكي في الليل وتستمع إلي أغنيات الطرب الطويلة

بل أنها مثل طاووس تنفض ريشها

وتروح تفتش عن ولادة أخري لحب قد يستاهلها أكثر

في معظم علاقاتها تكون هي السباقة إلي قطع العلاقة عند أول عائق

لان الكلام المنمق لا يغريها

بقدر ما يغريها الفعل والتنفيذ

تحب المحافظة علي صداقاتها ولو أبعدتها المسافات عنهم أو الظروف

فهي وفية لمن وقف قربها في ساعة شدة أو في لحظة فرح

طبيعية وعفوية في تصرفاتها

وكم تكره الأجواء المخملي وسهرات الثرثرة الفارغة

دائمة الحركة , لا تهدأ , تفضل شراء قطعة للبيت تريحها

أكثر من شراء فستان قد تمل منه بعد أسبوع

قليلات من يفكرن هكذا في هذا الزمن

والعذرائية علي هذا الصعيد مميزة

الحب عندها صدق وتصرفات وليس كلاما شاعريا

يقال ألان ليغيب بعد لحظات

وهذا ما قد يزعج حبيبها الذي يهوي في بعض الأحيان

سماع كلمة ( احبك ) أو جملة غزلية معينة

العذراء الزوجة مضيافة تحب إن تستقبل الأصدقاء وان تزورهم

الهدايا عندهم هواية , وكم تسعد إذا عثرت علي هدية مميزة

تعطي الآخرين انطباعا عن مدي ذوقها

وليس بالضرورة إن تكون غالية

يقال محظوظ من كانت امرأته من برج العذراء

لأنها ستكون صديقة ورفيقة وزوجة

اقتصادية إدارية وطاهية ممتازة

إنما لا تملك أسلوبا جذابا في التعبير

بل أنها في بعض الأحيان قد تنتقدك بطريقة لاذعة

لان تسريحتك لم تعجبها أو ربطة عنقك غير منسجمة مع طقمك

مع أولادها حازمة هي هذه المرأة وتوليهم معظم وقتها

تهتم بدروسهم وبتنمية شخصيتهم

صادقة وجدية,أنيقة من دون تطلب,مميزة مما لا شك فيه

إنما الشك يبقي في الاختيار

..........

مركب ورق : )

مركب ورق فى البحر

والبحر قلبه كبير .. كبير .. كبير

مركب ورق قلبى .. بتعاند المقادير

موج ياخدها لفوق .. وموج يطوحها

شطوط بتحضنها .. وشطوط بتجرحها

والبحر بجلاله كتير مابيسعهاش

مركب ورق قلبى

أوان فرحها ماجاش

: )

فكــى ايدينا يا دنيا

يادنيا قاسيه وملكيش أمان

مين عليكى غالى ومين

ابن اللذينه الجبان ؟!

بتفرحينا يوم

وتبكينا سنين وايام

اصلك بطبعك غداره

ومش من عوايدك تدى حاجه للغلبان

العيب فيكى ولا فى البنى أدم

الى الحرام بقى عنده عادى

والصح بقى بيقول عليه عبط زمان

العالى فيكى بقى واطى

والرخيص بقى السيد وابن الحلال !

الناس تموت والفلوس تعيش

وفى الأخر يقولوا حقوق انسان

ليه محدش شايف فيكى عيب

ولا شايفين وبيداروا عيونهم

وتموت الغلابه قبل الأوان ؟!

ليه الى فوق واكلينها والعه

والى تحت صما وابكام ؟!

دايما نسألك وانتى برضه ماترديش

يمكن صوتنا مش واصل

طب نعمل ايه ماهم علمونا الصمت والخضوع

وعدم العصيان

سكتنا سنين بس مصير النار

يطلع منها دخــان

....

بحـــــبك يا امـــى

طب قوليلى بس انتى اقولك ايه

ومفيش كلام فى الدنيا يقدر يكفيكى

.

ده انا قلبى ملك ايدك

ولو بردانه مفيش غيره راح ياخدك جواه

ويغطيـــكى

.

ولو عينى تطول تخبيكى جواها

من عيون الناس وجراحهم

هتخبيكى

.

بحبك انتى يا امى ومهما حبيت

مفيش حب فى قلبى

هيوفيكى

.

ولا اجمل كلمة شكر تتكتب على تاج

هقبل اديكـــى

.

صدق الى قال ان الجنه تحتك

وانى مش هدخلها غير

بعد ما ارضيكى

.

قلبك الابيض بيملى عليا الدنيا

وحضنك الدافى لو ابعد عنه

برجع قوام ليكــى

.

كتبوا كتير عنك لكن مادخلوش جواكى

ولا حسوا بيكى

.

ما انتى برضه بتتعبى

والأيام ياما بتبكينا

وبتبكيكى

.

لكنك علمتينى القوه وان ربنا فرجه قريب

والفرح مصيره ينور عنيكى

.

بحبك يا امى

والدنيا بكل ما فيها والله

ماتكتر عليكى

.....

ونسيتى قوام

ونسيتى قوام ....

نسيتى الحب الى جوانا

نسيتى الفرح الى ملانا

نسيتى دنيتنا سوا

ومسكة ايدينا تحت المطر

ووقفتنا ضد اى هوا

ونسيتى قوام ....

بعتينى وبعتى الذكريات

وبعتى قلبى وداريتى عن الناس

احلى الحكايات

ونسيتى قوام ....

وكمان جايه تسألى فيا ايه

وايه الى مغير احوالى

وكأن البعد انا الى مختاره

والفرقه بتحلالى

ونسيتى قوام ....

وبقيتى بقوه بتجرحينى

ولسه جايه تفّهمينى

لاياحبيبتى مش هسمعلك

ولا باعذارك المره دى هقبل

انتى الى اخترتى الطريق وقولتى راح تكمليه

ماتجيش قدامى تندمى

ولا بالغالى تحلفى

انا رايح مش راجعلك

وقبل ما امشى احب اقولك ....

انى فى يوم كنت بحبك

....

..

بتقوى عليا انا...

بتبعد ليه...

وهتسيبنى وتفارق كمان سنه

كل مره تيجى وتاخدنى بين ايدك

وتقولى قوينى...

وبتقوى عليا انا

ريحنى مره وانسى الى فات منك

ده قلبى من غيرك...

مبيبطلش نِدا

لحد امتى هتجرحنى ...

وتقسى بقوه كدا

خدنى ليك عندك بين احضانك وقلبك

وسيبنى اعيش جنبك...

ده الفرح مكتوبلنا

لو بس تفكر مره فيا

هتعرف الى بيا...

وهنمسح بايدينا دمعنا

بتفكر فى ناس تانيه وهما مش جنبك

ويجرى بينا العمر ...

يعذب قلبنا

تعالى بس قولهالى وصدقنى بوعدك

مفيش حاجه فى الكون ...

هتقدر تهزنا

ده انا لوحسيت بالامان

وحسيستك بالحنان...

يبقى الدنيا هتضحكلنا

جرب مره تعرف مين الى بيحبك

واعرف ان قلبى ...

عمره ما يقسى ولا ينسى حبنا

...

..

بحبك ...

طب والله بحبك

وقلبى دايب من شوقه ليك

عمرى ملكك ولو عايز اكتر

مش هيغلى عليك

بتوحشنى وانت جنبى

وعنيا مابترتاحش غير بيك

ولو فضلت اقول بحبك كل سنينى

برضه مش هتكفيك

طول عمرى بحلم بقربك

وبتمنى اعيش وانا بين ايديك

لا يهمك بشر ولا ناس ولا ظروف

طول ما الحب بينا مش هيغلبنا خوف

هحارب عشانك ولو اتجرحت

هتخبينى فيك

هحبك بقلبى وبعينى

وكل ما فيا هيحس بعينيك

ده انا ماصدقت لقيتك

ولو سألتنى مش راح اخبى عليك

قلبى هيقولك عللى بيه

والى بقاله سنين مداريه

وان سألت الناس هيقولولك

حبها ده هو الى محليك

....

.