هابى نيو ييــر .....

31/12/2008
...
اليوم الاخير فى عام 2008
..
يـــــــــــاه
كانت سنه غريبه جدا
على قد مافيها حاجات فرحتنى
على قد ما انتهت نهايه مأساويه
.
قرف جديد
ذل جديد
حروب جديده
انتكاسات اجدد
...
كـــــــالعاده
..
الشعب المصرى كله مـــقروف
لا حول ولا قوة الا بالله
..
ربـــــنا يرحمنا
اكيد احنا عاملين بلاوى عشان ربنا بيبتلينا كده
ورغم كل ده لسه مش حاسين
بناقش قضايا غريبه
والمشكله ان اهم قضيه فينا احنا
ولا فى قائد ولا فى حكومه
القضيه جوانا القضيه فى نفوسنا
...
"لا يغــير الله ما بقوم حتى يغيروا ما بأنفسم"
..
اللهم اصلح الراعى والرعيه
اللهم ارفع مقتك وغضبك عنا
اغفر لنا ذنوبنا واسرافنا فى امرنا
اللهم لاتجعل الدنيا اكبر همنا ولا مبلغ علمنا
ولا الى النار مصيرنا
اللهم اغثنا ..... اللهم اغثنا
اللهم اغثنا

....

.

يـــــــــــــــــارب

بعد الفراق ....

أكتر حاجة توجع في لحظة الفراق

حبيبك تلمحه ودموعه رافضة تطلع

وكأنه حالا فاق على ايد بتدبحه

..

وكأن ده عادي

لأوأقل كمان من العادي

والوقت ده كله في عمر الواحد راح على الفاضي

...

وما بين لقى وفراق كأننا في سباق

ده بيبكي وهو مفارق

وده فارق وماهوش فارق

..

مين فينا وفّى بوعده وما خانش الاتفاق

وتبقى فمترحه

..

طريق مفتوح وباب

وصوت طالع بخوف

بيعلق الاسباب على شماعة الظروف

..

خلاص ما فيش جراح

خلاص الوقت فات

معقول في حد مات حتعرف تجرحه

..

وكأن ده عادي

لأوأقل كمان من العادي

..

والوقت ده كله في عمر الواحد راح على الفاضي

.

وما بين لقى وفراق كأننا في سباق

ده بيبكي وهو مفارق

وده فارق وماهوش فارق

..

مين فينا وفّى بوعده وما خانش الاتفاق

وتبقى فمترحه

...

.

ارحل عنى .......

ارحل عنى ياحبيبى فلم اعد اقوى على الاحتمال

.

ارحل فان كل ما فيى يأبى السكينه.....

يأبى الفرح .....

يأبى السير فوق بحر من الرمال

.

فقد قال لى الكثيرين ان حبك سيتعبنى ....

سيقتلنى يوما .....

سيكسر فيى الحلم والأمال

.

ولم اصدقهم ....

فقد كنت سفينتى ومرفأى وواهب لشمس عمرى الظلال

.

فقد دعوت ربى يوما ان يتوب على ويبعد عنى الضلال

.

فبعث فى قلبى حبك وقد كان كالخيال

.

ولكنى تيقنت بعد مامضى من العمر معك

ان الغدر من شيم الرجال

..

.

حب من طرف واحد .....

حب ايه ياقلبى الى جاى تتكلم عليه

.
ده الحب طلع وهم كبير حاول بقى مره متتعلقش بيه

.
اصل حبك من طرف واحد مايعيش كتير .....
مصيره فى يوم يموت واخاف لا تموت انت بعديه

.
عيش مره لنفسك وحب الدنيا من غيره .....
ده انا مفتكرش فى يوم عيشت غير بس ليه

.
طب شوف كام مره داس عليك وانت بعديها عملت ايه

.
وكام مره قررت تنسى ....
وقولت بجد مش هفكر فيه

.
وبعد يومين ترجع تحن وكأنه عاملك سحر وعليك قاريه

.
اعقل بقى ياقلبى وارجع زى ما كنت قبليه

.
واوعى تحن مره ....

وابقى دور وشك لو يوم وانت ماشى تلاقيه

....

..

.

ماذا فعلت بى ....

ماذا فعلت بى ....
لكى اشتاق اليك
لكى لا افر منك الا لك

ماذا فعلت فى اذنى ........
لكى لاتطرب الا لهمس شفتيك
لوقع كلماتك ..... لصوت انفاسك ..... لسكون همساتك

ماذا فعلت فى عينى .......
لكى لاترى الا انت
ولا تنعم الا بدفء عينيك

ماذا فعلت فى عقلى ......
لكى يجن بك .... يبحث عنك

ولا يكتب الا اليك

ماذا فعلت فى قلبى ......
لكى لا يفكر الا فيك
ولا يحب سواك ولا يعشق الاك

فانا احبك ...... ولا ادرى ما العمر من دون لقاك

وما القلب بغير هواك.....!!

أحلى كلمات اغنيات فى احلى الأيام ......

· الكلام لو كان يعبر عالحنان كنت قلت انى بحبك من زمان كل يوم الشوق بيكبر عليا بان وعلى بالى ولا انت دارى بالى جرالى

· بحبك مش هقول تانى وعايزك وانتى عايزانى بحبك حب مش عادى مشاعرى من زمان تانى وروحك ساكنه فى روحى

· ايامى معاك انا عايش علشان بهواك انا عاشق وبموت فى هواك انا ناسى فى حضنك انا مين

· قد انت مابتتمنى قول وفى ثانيه انا اوريك شايف القمر والشمس دول والله ماخساره فيك وفوق ده كله انا عمرى كله ليك .... ياحبيبى

· بعد النهارده لايمكن ارضى غير بيك حبيبى انت الى انا ليه ومره واحده خدت القرار ده معرفش انا بناءا على ايه

· كل يوم بيعدى تزيد غلاوتك عندى واشتاقلك واحبك تسوى ايه الدنيا مهما كانت حلوه فى ثانيه اعيشها جنبك

· والله وحبيت وارتاح بالى شوفتك معرفش الى جرالى من ليله ويوم تقلب حالى

· يااجمل حب عشت انا فيه بحبك وانت عارف ليه عشان جنبك حبيبى لقيت انا كل الى بحلم بيه

· هتمنى ايه قول ياقلبى واتمنى ليه وانت جنبى حبك ده عمرى الى جاى والى فات

· فى عمرى سنين ... سنين قبلك مابحسبهاش قابلتك قلبى حب وعاش انا بحبك ... انا بحبك وحبك بالحياه عندى

· انا بنسى الدنيا واسمعلك وروحى تروح وترجعلك وتوحشنى وانا وياك واحن ليك وانا جنبك

· سحر العيون خلى القلب داب والله .... سابنى وراح وياك سابنى فى حيره وراح وياك

· بحب الحب الى جمعنا بحب الشوق الى وجعنا عمرى بجد مالوش معنى ولا تحلى الدنيا فى يوم غير بيك

· انا اكتر من الدنيا انا بحبك وغيرك انت ماليش انا لو تبعد ثانيه انا فى بعدك حبيبى صعب اعيش

· غمض عنيك واحلم معايا وهات ايديك واحضن هوايا .... احضن هوايا لابعد حد والمس معايا خدود الورد

· واما عيونك ندهت عينى قلبى فى ثانيه حس هواك لو بايديا ارجع بسنينى عمرى بحاله يبقى معاك

· بحبك حب مش عادى بغيرك قلبى مش راضى كفايه تكون هنا قصادى ده انا بفرح وانا وياك

· من غير لا سلام ولاحتى كلام لقيت فى عنيك كل الأحلام حبيت وخلاص وعشقت ياناس وبقول ياحبيبى قدام الناس

· ليك حق ياحبيبى فيا واكتر ما ليا حياتى ماتغلاش عليك يارب اعيش العمر جنبك فى حضنك فى قلبك فى ضحكه بشوفها بعينيك

· هوا الى عيونى نادونى من العالم كله خدونى معرفش ازاى شغلونى انا ايه الى جرالى انا بعد ماخدنى جمالك واتغير حالى وحالك انا لسه مجيتش فى بالى طب اثبتهالى

· مين يملى عينى وانا حاله طارئه وعيونها سارقه روحى ... نفسى اعيش فى عيون كتيره سوده ... خضرا ... زرقا مع غيرى فارقه عندى ماتساويش

· خدتها من على طرف لسانى قلتها قبل ما اقول بثوانى كنت هقولك انى بحبك حب لا يمكن يحصل تانى

· دايب فى العيون ديه وفيك مش هخبى عليك انت اول حب برتاحله وبسلم ليه وسايب روحى رايحه معاك صعب ثانيه انساك لو مكنتش جنبى دلوقتى كنت هعمل ايه

· انا الى ياما قلت انا وانا وانا نسيت فى يوم الى قلته كام سنه ولا الى يعرفنى من بعيد شافنى يومها ماعرفنيش

· قد الحروف الى فى اسامى العاشقين ... بحبك قد الهموم الى فى قلوب البشر ... قد العيون الى كحلها السهر قد ما قلبى اشتكى من نار حبك قد ما ليلى حكى عن طول بعدك ..... انا بحبك

· ماحستش ان ليا حياه بجد الا لما حبيتك حبيبى انت الى بتمناه وماصدقت ان انا لقيتك اقولك بس ايه تانى ده صعب اوصف هواك بكلام يااول حب خلانى احس بمعنى للأيام

· مالكش غيرى انا فى الدنيا وانا فى الدنيا غيرك انت ماليش ولو هعيش من غير حبك وانا مش جنبك مش عايزه اعيش

· انا من غيرك بكون ليل من غير قمر مركب من غير شراع نبات محتاج مطر .... انا من غيرك بكون خطوه من غير طريق غنوه من غير كلام حياه من غير بشر

· اصاحب مين وانا من يوم ماشوفت عنيك ماليش غيرهم صحاب تانين واكلم مين وانا من يوم ماكلمتك لقيتنى بغنى للعاشقين

...........

.......

...

· غنوا وحبوا وقولوا ... قولوا معانا ياناس .... خليك ياجرح بعيد ده هوانا لسه جديد لسه فى اول عيد ... وسافرى يا احزان مالكيش مابينا مكان ساكن قلوبنا امان

ناسيه هنا ناسيه ايام كانت قاسيه ... ناسياها معاك يا عيونى وفاكرنى اخاف يلومونى مايلوموا طب وانا مالى طب وانا مالى ..... مـــــــــالى

.

.

كـــــــــل سنـــــــه وانتوا بتحبوا بعض يا احلى بشر

بحبك ............

انت كل الدنيا

وغيرك انت بس ماليش

انت كل عمرى

وبدعى ربنا منك مايحرمنيش

ايامى الى جايه ليك

وايامى من غيرك مابتعديش

خد قلبى عندك

بس حلفتك ماتسبنيش

هو فيه حد كده

ده انا من غيرك مابحبنيش

قلب ابيض زى الياسمين

وعيون براءتها ماتنتهيش

بحبك قد الأرض ..... قد البحر ...... قد السما

طب تصدق

كل ده برضه مايكفيش

حمزوووووزتى ....

حمزه

الوافد الجديد الى اسرتنا المتواضعه

الملاك النائم دائما

حاجه كده الواحد بيبقى حاسس انه لو شاله ممكن يتكسر

ابن اختى طبعا

حبى الأول والأخير وعين خالته

ربنا يحميه

اهداءات من الخلق مع الاعتذار لكل الخلق ....

اهداءات

برنامج ما يطلبه الى مامتهم داعيا عليهم وقعدوا يسمعوا البرنامج

تقديم عزيزه بشتكه واعداد حمدى انترناشونال

اعزائى الى مامتهم داعيا عليهم وقعدوا يسمعوا البرنامج

اهلا بيكو

معانا اول غينوه

اغنية بتونس بيك وانت فى قفايا

من ابو اسماعين

للحلاق الصحى بتاع المانطيقه

وبيقولوا حاسب ودانى

ومعانا كمان اغنية

حبك نار دخل فى يبتنا فار

من الست ام ابراهيم لأبو ابراهيم

وبتقولوا هترجع من الشغل امتى

عشان تلحق تضرب الفار

...........

اهداءات طول النهار

ونسيبكوا مع فاصل اعلانى

مسحوق ياوكستى

يا تلبسوا ابيض بس ياتلبسوا الوان بس

ياوكستى ايه ......ياوكستى اه

ياوكستى الكيس الكحلى

..........

ورجعنالكوا تانى

ومعانا اغنية

وحشتنى عدد فلوس السنه

من ام حماده لأبو حماده

وبتقولوا ارجع حماده عايزك

وبيقولك المدارس جات

وانا مجبتش الشنطه

وتستمر الاهداءات

و النهارده برعى جاى ياجدعان وعايز كلوا يبقى تمام

من الواد حوده يامعلمى لبرعى مطاوى

الى طالع من السجن النهارده

وبيقولوا كفاره يا حاج

عقبال كل سنه

ونسيبكوا دلوقتى

ونشوفكوا كمان ساعتين

وحلقه جديده من برنامج

مايطلبوا الى مامتهم داعيه عليهم وقعدوا يسمعوا البرنامج

:D :D :D :D

اغنية خلى بالك لهيثم شاكر

خلى بالك لو انت كده

مش فى بالك هوايا كده

يبقى من الأول ياريته ماجاش عالفاضى

قولى مالك بتنسى كده

ليه بتعمل فى قلبى كده

طب تصدق قلبى مابينساش الماضى

انا ما اخترتش الى انا فيه ....

ولا اخترت انى حبيتك

بتحرم قلبى منك ليه .....

ده انا طول عمرى مانسيتك

ياريتك قلبى حاسس بيه .......

وتدى زى ماديتك

أمانه وقولى اعمل ايه........

فى بعدك بعد ما لاقيتك

___________

خلاص مابقتش تسمعنى .....

وصلنا لحد كده يعنى

وبعد ده كله افهم ايه ......

غير انك مش عايزنى معاك

بصبر روحى انا وعينى

بقول راجع وهيجينى

ليالى كتيره مستنيك ومش بنساك

انا ما اخترتش الى انا فيه ....

ولا اخترت انى حبيتك

بتحرم قلبى منك ليه .....

ده انا طول عمرى مانسيتك

ياريتك قلبى حاسس بيه .......

وتدى زى ماديتك

أمانه وقولى اعمل ايه........

فى بعدك بعد ما لاقيتك

__________

خلى بالك

للرائع هيثم شــاكر

الســــواد

عندما تشعر بالضعف

باليأس

بالخوف

بالظلم

بكل الأحاسيس السيئه

بكل درجات الأسود

ولا تعرف معنى الألوان الأخرى
عندما تكتشف انك قد ظللت طوال سنين عمرك تعطى دون ان تأخذ
عندما تكتشف ان كل ماحلمت به لم تحقق منه شئ

عندما تكتشف انك فشلت !!

ولأول مره تعترف بذلك وتسلم به
ما اقبحه من احساس !

وما اتعسه من شعور !

يمكن ان يشعر به انسان
عندما تحيا بلا روح.....

بلا قلب...

بلا احساس
فقد جرحوا مشاعرك

واغتالوا قلبك

وقتلوا روحك

ورقصوا حول انقاض جسدك

واستباحوا جراحك

هل تستطيع النهوض من جديد

هل تستطيع العيش بلا أمل ؟!

و بلا روح ؟!

( لا تعليق )

يارب اغنيه للرائع دائما محمد فؤاد

أنا منك وانا ليكى
حياتى وعمرى فى ايديكى
ولاجايز ولايمكن
بحبك حب مش ممكن
حبيبتى شوفى من الأخر
انا واحد بموت فيكى

كلمة بحبك
من القريب من الغريب
ومن غيرى سمعتيها

كلمة بحبك
منى انا من قلبى
بقولها بجد
يابلدى ......يابلدى
يابلدى منى حسيها


ويــــــــــــــــــارب
كل اتنين عالحب حبايب قربهم وماتبعدهمش
كل جيران وصحاب وقرايب جمعهم ماتفرقهمش

والى فى قلبه عذاب او جرح طيبهوله
والى مداقش الهنا والفرح دوقهوله

والى تعبان فى الليالى ليله قصره
والى شايل هم غيره ساعده قدره

والى غريب عن داره الى اختار مشواره
حلى يارب مراره وهون غربته
نور سكته صبر دمعته

ما انت حبيب الكل يارب

..

وحشتنى ......

وحشتنى .......

رغم بكا الليالى الى داقته عينى فى بعدك

وحشتنى

بين كل وجع الفراق نطق قلبى وقال

وحشتنى

.

وحشت عينى الى مشتاقه لعينيك

وحشت ايدى الى مشتاقه لايديك

وحشت قلبى الى دايب فى احساسه بيك

.

وحشتنى

رغم كل دقايق العذاب فى حضن الليل من غيرك

وحشتنى .......

بين سكون الكلام وضياع الأمان فى فراقك

وحشتنى ...........

وحشتنى كلمة حبيبتى لما تحسها عينيا فى وسط الزحام

وحشنى وعدك ليا مع كل همسه من قلب الكلام

.

وحشتنى............

لو اقولك قد ايه

مش هتوصف احساسى

الى مستخبى بين حروف كلمة وحشتنى !!

هنـــــــــا ......

هنا .....

وفى نفس المكان

.

مش برضه كنا متواعدين

مهما فات الزمن وعدت السنين

هنرجع هنا

.

مش قلنا هنروح بعيد ونعيش

ونرجع تانى هنا

..

اتواعدنا يوميها حبنا ماينتهيش

مهما غاب عنا الهوا

والأمان والدفا

برضه هيفضل حبنا

عايش جوانا هنا

...

حتى لو نسينا المكان

ونسينا الناس والذكريات

حبنا هنلاقيه مستخبى

جوا العيون الدايبين

الى من الشوق متغربين

مهما طال عليهم الزمن

.

مش اتواعدنا بكده

زمان فى نفس المكان

هنا .................

.

.

جمعية حمـــوم الانسان "مش محتاج كلام "

مش محتاجيــــــن كلام

للصمت صراخ أقوى !!

....

.

" اللهم اكفنا شر قهر الرجـــال "

ياجماعه انتوا فاهمين غلط .....!

ياجماعه انتوا فاهمين غلط

...

أوعوا تكونوا من الناس المعارضين الى فاهمين غلط أوعوا تكونوا من الناس الى بيقولوا الحكومه شريره ووحشه أوعوا تكونوا بتقولوا ان احنا مش عظام وان البلد فيها فساد وان التعليم بايظ وان أنا مثلا فى الكليه مش هلاقى حته أقعد فيها بس لأنى مش فى جامعه خاصه أوعوا تكون من الناس الوحشين بقى الى بيكرهوا الضباط عشان الى بيعملوه فى القسم
تؤتؤ
تؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤتؤ
تؤتؤ
يـــــــــــــــا جماعه انتوا فاهمين غلط
بصوا ياجدعان يعنى لما تشترى كيلو لحمه وتلاقيه بخمسين جنيه مثلا يعنى وده نادرا لما بيحصل (لأنه بيبقى أكتر من كده طبعا) تفتكروا ده ليه أقولكوا أنا يعنى الحق على الحكومه انها مش عايزانا نتعود عليها أصل انتوا مش فاهمين أصل اللحمه فيها بروطين وده الناس بتدمنوا أيون شفتوا دايما كده ظنكوا وحش شفتوا الحكومه أموله ازاى
واحد من الناس الى بعيد عنكوا بيكره الحكومه وشكلوا زكى شويه يقولى طب ما الأغنيه باكلوا لحمه كل يوم وأرد أنا أقولوا بعيدا عن الحقد الطبقى بتاع المصريين ده أن الأغنيه يعنى بياكلوا لحمه بس بيعرفوا يتعالجوا من ادمانها واحد زيكس يقولى ازاى أقولوا ياجماعه انتوا فاكرين الأغنيه دول بياكلوا زينا احنا مثلا لما بنيجى ناكل بناكل بكل حته فينا لكن هما مثلا بياكلوا بشويش فيدوبك يحطوا حته من هنا تلاقى بطنهم لا مؤاخذه اتملت وشبعوا أخر شبعان
كفايه (الكلمه دى ملهاش أى دعوه بأى حاجه من الى فى دماغكوا مش بقلكوا دايما بتسيئوا الظن) حقد بقى حرام عليكوا
*************************

**

نكمل مع بعضينا وجهات نظر الحكومه الى احنا مش فاهمينها يعنى (معلش استحملوا شويه )
نكلم دلوقتى على أمن الدوله
ها..........؟
حسيته بايه لما قلت الكلمه دى
أكيد كل واحد مسك قفاه
معلش عارفه ان سيرة الظباط تقيله على قلبكوا
وان سيرة أمن الدوله والمخبرين أتقل

بس ياجماعه الى انتوا مش فاهمينه ان الظابط ده طيب طيابه مفيش كده
مثلا واحد لسه مقبوض عليه فى قضية بعيد عنكوا أمن دوله يعنى يادوب كده كان بيفكر انه ينظم اضراب
يعنى لسه بيفكر !!!

واحد من الناس الى متربصين بحكومتنا الرشيده يقولى يبقى مفيش دليل هما دخلوا جوه نفوخه يعنى أقولوا وانت عايزهم يسيبوا لغاية مايعمل لامؤاخذه اضراب
ليه هيا سايبه ولا ايه ؟!
ال اضراب ال
وانتوا فاكرين حكومتنا قاعده على ودانها أصلهم بيبانوا بتوع االاضراب دول

ماعلينا.....................!

ده مشهد من أحد الغرف المغلقه(عشان ماحدش يستهوى ياجدعان) فى أمن الدوله
طبعا لازم أول ما النبى حارسه وصاينه المقبوض عليه يدخل على حضرة الظابط
يسأله (انت من أنهى جماعه ياض يابن ...... )
ياجماعه متفهموش غلط " ياض يابن ......." دى عشان الحب خلوا البساط أحمدى بقى
ما انت بتهزر مع صاحبك وبتقوله نفس الحاجات
يعنى هيا حلوه منك ووحشه من عمو الظابووط

المهم .........
الواد المقبوض عليه مخضوض ياعينى
الظابط يولع سيجاره وكان هيعزم عليه بس أنتوا عارفين السجاير مضره بالصحه ده جزاة الراجل يعنى
ينادى الظابط بأعلى صوت جاااااااااااااااابر
جابر يجى واحد كده شبه ضرفة الدولاب ربنا مايوريكوا
المتهم يبص لجابر ويضحك هيهيهيهيهيهيه (مش بيقولوا شر البليه مايضحك )

جابر بقى لازم يديله أحلى واجب وطااااااااااااااااااااااااااااااااااااااااااااااااااااااااخ
أه ياقفايا
ايه ياجماعه مالكوا مش لازم يسلم عليه وطبعا جابر طويل يبقى ايه الى على مستوى نظره قفاه الله لسه هيوطى احنا فاضيين للخنقه دى ولا هما يعنى شغالين عنده لما يعوز يوطى يوطوا معاه
دى ناس معندهاش دم
ماعلينا........................
طبعا الراجل أغمن عليه متخدوش فى بالكوا انتوا أصل الراجل كان ضعيف شويه مش زنب جابر بقى كمان هيغذوه قبل مايسلموا عليه ده حاجه غريبه ياجدع
بعد ما الراجل فاق بقى بجردل ميه ساقعه بلاش دماغكوا ديه
الدنيا كانت حر يعنى درجة الحراره 17 كده يعنى مش حر بزمتكوا
ماعلينا.........................
الراجل باين كان صدره واجعه فراح حضرة الظابط الله يستره
راح مديله سيجاره فى صدره (على أنه طفايه) عشان يدفيه يعنى
وبعدين الكى ده علاج قديم من أيام جد جد الظابط أيون صدقونى
والله راجل أمير أماره ما تتوصفش
وطبعا أنتوا عارفين الكى بيحرر وبعدين الراجل يعنى كان مترب على الاخر تفتكروا نسيوا مترب راح جابر جاب حبة ضرف دولاب تانين بس المره دى دولاب نيج
وراحوا طبعا منفضينه بقى ..........أحم من التراب يعنى
فبس بقى راح الظابط الله يكرمه هو وأبوه راح قال لجابر ياخدوا فى حته يرتاح فيها شويه فجابر طبعا مخبر يعنى
تفتكروا هينيموا فين فى الفور سيزون مثلا
راح وداه على تخشيبه بس ايه فله مفهاش غير جردل مش عارفه ايه لازمته الصراحه
كانوا لازم يعودوا الراجل على الغلب عشان لما يطلع بره
فطبعا بما ان الجو كان حر فملولما الزنزانه ميه كده قال يعنى بيسينى
والله الراجل متروق على أخر ربنا يكرم جابر وأخو جابر وعيلة جابر كلها
وربنا يخربيت الراجل الى كان بيفكر يعمل اضراب
يلا
كل واحد بقى يخلى باله من دماغه

..

.

حسبى الله ونعم الوكيل

......

رمضــــــــــان كريم

يـــــــــــاه

أخيرا رجعنا نصوم رمضـــــــان تانى

أول يوم مكنتش عارفه انام بعد السحور من كتر الفرحه

رمضـــــــان ده غير

.

رمضـــــان من غير مدارس

" صحيح اخر عشر ايام فيه كليه بس برضه "

نويت اصلى التراويح كل يوم

ربنا يقدرنى ويقوينى

.

ياه

امبارح وانا فى التراويح رغم انى كنت مجهده جدا

وكان الشيطان بيلعب فى دماغى انى ماروحش

بس الحمد لله انى قدرت اقاومه وجريت لبست ونزلت

وحشنى أوى جامعنا وحشتنى أوى روح الحب فى الله بين البشر

تلاقى ناس متعرفهاش تيجى تاخدك بالحضن وتقولك كل سنه وانت طيب

حاجه بتخليك تبقى عايز تفضل فى حضنهم

تحس فى وشهم بنور غير عادى برضا ملائكى برحمه ربانيه بطمع فى المفغره

.

كالعاده صليت فى الدور التالت

حاله من الروحانيه والوجود مع ربنا استمرت من العشا لحد الساعه عشر ونص

مع صوت الشيخ شعبان فى تلاوة القرأن

بحس ان قلبى بيترعش وان واحده واحده بيتطهر

ربنا يكرمه

مستنيه أفطر بقى عايزه أكل قراصييه

وحشتنى القراصييه

يــــــــــارب

اجعل رمضان رحمه للمسلمين وغفرانا لذنوبهم وعتق من النيران وفوزا بالجنه ابعد عنا خطايانا وقربنا منك

يــــــــــارب

ارزقنا حبك وحب من أحبك وحب عمل يقربنا الى حبك

يــــــــــــارب

انصر اخواننا المستضعفين فى العراق وفى فلسطين وفى لبنان وفى كل موقع ومكان

يــــــــــارب

فرج كرب المسلمين و اشفى مرضى المسلمين وارحم موتى المسلمين اللهم اجعل قبورهم روضة من رياض الجنه ولا تجعلها حفر من حفر النار

يـــــــــــارب

اسألك بكل اسم سميت به نفسك أو انزلته فى كتابك او علمته احد من خلقك او استأثرت به فى علم الغيب عندك ان تجعل القرأن ربيع قلوبنا ونور صدورنا وجلاء حزننا وذهاب همومنا

يـــــــــــــارب

اللهم لا تجعل لنا ذنبا الا غفرته ولا عيبا الا سترته ولا ذنبا الا فرجته

اللهم استجب

اللهم استجب

اللهم استجب

الم السنين ......

نسينا أقاصيص الراحلين

لم نتعلم منها

وتجاهلنا حكايا السابقين

فقد أفصحوا لنا أن الحب وهم

وماهو الا طيف حزين

يوهم الناس بالفرح

ويمضى مخلفا ألم وحزن دفين

فالحب يادنياى رجل غنى

لديه الكثير ويأبى اعطاء السائلين

بعيونه يخدعنا ثم يتركنا ضحايا للسنين

فلنتركه يمضى فى سلام

وللننصت بعد ذلك للسابقين

...

.

ضحايا زمان .....

كيف يمكن أن نعيش

فى ربوع وطن مات فيه الأمان

يسألوننا عن الحب

وقد فقدنا فى حضن البيت الحنان

يقولون لماذا يقتلون

وفى كل قاتل رفات انسان

يبيحون للقوه سفك الدماء

وللضعيف يدينون أحلام الوجدان

يهتكون كل يوم عرضنا

ونضحى نعيش ضحايا للزمان

يمزقون كل يوم جرحنا

ويتركونا نحيا عبيدا للأحزان

فلا تعودوا تسألونا عن حب الوطن

فلقد دفناه منذ زمن وكفنا الأحلام

...